گیروو قویولماسینا باخمایاراق مرتضی نورمحمدی‌نین سربست بوراخیلماسی‌نین قارشیسی آلینیب
تورک مدنی فعال مرتضی نورمحمدی‌نین عائله عضولری‌نین دونن، بازار ائرته‌سی، ۱۰ مهر ۱۴۰۲-ده ۵۰۰ میلیون تومنلیک گیروو قویماسینا باخمایاراق، یئنی پرونده‌نین آچیلماسی نه‌دنی ایله بو مدنی فعالین سربست بوراخیملماسی‌نین قارشیسینی آلینیب.
جناب نورمحمدی‌نین حبسدن آزاد اولونماسی ایله باغلی عائله‌سی طرفیندن ایداری سورجلر باشا چاتدیقدان سونرا اونون قوهوملاری شبیستر شهری‌نین عومومی و اینقیلاب ساوجیلیغیندان تبریزین مرکزی زیندانینا گئدیبلر و یئنی پرونده‌نین آچیق اولدوغو نه‌دنی ایله اونون آزادلیغا چیخما احتیمالی‌نین اولمادیغینی اؤیریبلر.
جناب نورمحمدی‌نین عائله عضولری و یاخینلارینا اونون آزاد اولونماماسی باره‌ده بیلگی وئردیکدن سونرا، یاخینلاری تبریزین عومومی و اینقیلاب ساوجیلیغی‌نین ۱۵-جی ایستینطاق شؤبه‌سینه موراجعت ائده‌رک، بو تورک فعاللا قارشی ایران ایسلام جمهوریتینه قارشی تبلیغات آپارماق” و “گروهلارا عضو اولماق” اتهاملاری ایله یئنی پرونده‌نین آچیلدیغی باره‌ده بیلگی وئریلیب..
آیریجا بو فعالین یاخینلارینا بیلگی وئریلیب کی، مرتضی نورمحمدی‌نین تبریز شهر اطلاعات ایداره‌سی‌نین تجرید‌خاناسیندادیر و دیندیریلیر.
قئید ائدک کی تورک مدنی مرتضی نورمحمدی نادارلی ۱۸ شهریور ۱۴۰۲-ده اؤولادینین کیملیگی اوچون صوفیان شهری‌نین قئیدیات ایداره‌سینه چاغیریلیب و بو ایداره‌یه گئلدیگی زامان اطلاعات مامورلاری طرفیندن ساخلانیلیب.
مرتضی نورمحمدی نادارلی ساخلاندیقدان سونرا مامورلار اونو ائوینه گؤتوروب و بو فعالین ائوینده آختاریش آپاردیقدان سونر بعضی شخصی اشیالارینی او جومله‌دن کیتابلارینی موصادیره ائدیبلر.
