کرونا روح‌الله حسینیان، حیاتینی آلدی
ایسلام اینقیلابی سندلری مرکزی‌نین رئیسی و سککیزینجی و دوققوزونجو مجلیسده تهرانین کئچمیش ملت وکیلی روح‌الله حسینیان،کرونا ویروسوندان اؤلدو.
حسینیانین، اوغلو «محمد حسینیان»، بو خبری چارشنبه آخشامی سحر توییتر حسابیندا اعلان ائدیب.
ایرنایا وئردیگی موصاحیبه‌ده حسینیانین قیزی دا آتاسی‌نین اؤلدویونو تصدیقله‌دی.
روح‌الله حسینیان، (۱۳۳۴-جو ایلده شیرازدا آنادان اولوب) حاکم، سیاستچی و ایسلام اینقیلابی سند مرکزی‌نین آراشدیرما انستیتوسونون رئیسی ایدی.
او ایسلام مصلحت مجلیسی‌نین سککیزینجی و دوققوزونجو دؤورونده ده تهران خالقینی تمثیل ائتدی.
«ایراندا شیعه‌‌‌نین اون دؤرد ایللیک ایدئولوژیک رقابتی»، «شیعه‌‌‌لرین قالخینما و قالمایا اون دؤرد عصریلیک چاباسی» و «ایراندا شیعه ایسلامی‌نین ایگیرمی ایلیک چیرپینیشی»، کیتابلاری حسینیان یازیلاری آراسیندادیر.
حسینیان، آدلاری ایرانداکی بعضی سیاسی و تهلوکه‌‌‌سیزلیک داوالاری ایله علاقه‌‌‌لی اولان سعید امامی، سعید مرتضوی و آشیری جریانلار و حزب‌‌الله طرفداری ایدی.
