کئچمیش ملت وکیلی: ایران خالقی روس واکسنینی قبول ائتمه‌یه‌جک
ایسلامی شورا مجلیسینده‌کی شیرازین کئچمیش ملت وکیلی عینی زاماندا حکیم اولان بهرام پارسایی، روسیا واکسهی‌نین طبّ جمعيتی‌نین عضوو و بیر ایرانلی اولاراق ایستیفاده ائتمه‌یه‌جه‌یینی سؤیله‌دی.
بهرام پارسایی، ۱۰ بهمن ۱۳۹۹ جوما گونو توییترده ایسلام جمهوریییتی‌نین خاریجی ایشلر ناظری محمد جواد ظریفی روسیادان واکسن آلینماسینا راضیلیق وئردیگینه گؤره کسکین تنقید ائده‌رک یازدی: “خاطیرلایاق کی، بو اؤلکه‌نین اینسانلاری … یاشاماق اوچون دونیانین علمی قوروملاری طرفیندن تصدیقلنمیش واکسنی ایسته‌دیکده، میلی ماراقلاری ساوونماسی لازیم اولان خاریجی ایشلر ناظری تصدیقلنمه‌میش روسیا واکسنینی ساتین آلدی.”
شیرازین کئچمیش ملت وکیلی صحیه ناظری سعید نمکی‌نی تنقید ائتدی و اینسانلارین حیاتینی قورتارماق یئرینه ۱۴۰۰ سئچکیلری دوشوندویونو یازدی. “پارسایی داوام ائتدی: “بو گون، ایرانلیلارین چوخونون قبول ائتمه‌یه‌جیی روس واکسنی‌نین آلینماسی ایله، اینسانلارین حیاتی ایله تیجارت ائدنلرین بونو اؤز میلی ماراقلاری اوچون ائتمه‌دیکلرینی دوشونورم.”
کئچمیش شیراز ملت وکیلی، ایسلام جمهوریییتی مقاملارینا دا خبردارلیق ائتدی: طبّ جمعيتی‌نین عضوو و بیر ایرانلی اولاراق بئله بیر واکسندن ایستیفاده ائتمه‌یه‌جه‌یم. خالقین نفت پولو ایله دونیا صحیه تشکیلاتی طرفیندن تصدیقلنمیش واکسنی ساتین آلین.”
دونن کرونایا قارشی موباریزه ایداره‌سی‌نین علمی کومیته‌سی‌نین عضوو مینو محرز، طبّ هئیتی‌نین عضوو اولاراق واکسنی وورمایاجاغینی سؤیله‌دی.
محرز جهان صنعت قزئتینه وئردیگی آچیقلامادا “روس کرونا واکسنی هئچ بیر اؤلکه طرفیندن تصدیقلنمه‌ییب” دئدی: “روسیا کرونا واکسنینی حؤکومتین تداروکو و ایدخالی ایران خالقی اوچون بیر شانس سیزلیقدیر.”
اعتراضلارا باخمایاراق، ایران دؤولت مقاملاری، روسیا کرونا واکسنی‌نین ایلک یوکونون ۲۲ بهمندن اؤنجه ایرانا ایدخال ائدیله‌جه‌یینی آچیقلادی.
