پزشکیان: مقاومت جبهه‌سینی دستک‌له‌مک شرعی بیر وظیفه‌‌‌دیر
بازار ائرته‌سی ایران ایسلام جمهورییتی‌نین جمهورباشقانی مسعود پزشکیان دئییب: مقاومت جبهه‌سینی دستک‌له‌مک ایسلام جمهورییتی‌نین شرعی وظیفه‌‌‌سی و اساس سیاستلریندن بیریدیر.
نعیم قاسم پزشکیانین آندیچمه مراسیمینده ایشتیراک ائتمک اوچون تهرانا سفر ائدیب.
ایرانین حؤکومت مئدیاسی آیریجا مسعود پزشکیانین آندیچمه مراسیمینده حماسین سیاسی اوفیسی‌نین رئیسی اسماعیل هنیه‌نین بو قروپون یوکسک روتبه‌لی عضولری ایله بیرلیکده ایشتیراک ائده‌جیی باره‌ده بیلگی یاییب.
آندیچمه مراسیمینده بؤلگه‌ده ایسلام جمهورییتی‌نین دستکله‌دیگی وکیل قروپلارین رهبرلری‌نین ده قاتیلاجاقلاری داها اؤنجه آچیقلانمیشدی.
جوما گونو سوریه‌نین باش ناظری و نعیم قاسم ایله گؤروشده پزشکیان ایسلام جمهورییتی‌نین “مقاومت جبهه‌سی”نه دسته‌یینی وورغولاییب.
آیریجا پزشکیان امانوئل مکرون ایله تلفون دانیشیغیندا لبنانا هوجومون اسرائیل اوچون جدی سونوجلاری‌نین اولاجاغینی بیلدیریب.
