نیک‌شهرده سلاحلی قارشیدورما؛ اینقیلاب کئشیکچیلری‌نین اوچ عضوو اؤلدورولدو
اینقیلاب کئشیکچیلری‌نین گونئی دوغو قورو قوه‌لری‌نین “قدس قرارگاهی” سیستان و بلوچیستان بؤلگه‌سینده‌کی سلاحلی قارشیدورما زامانی اینقیلابی کئشیکچیلری‌نین اوچ عضوونون اؤلدورولدویونو بیلدیردی.
بو قرارگاهین آچیقلاماسینا گؤره، ۸ مهر ۱۳۹۹-جی ایل چارشنبه آخشامی گونو ساعت ۱۶دا، اسپکه-نیک‌شهر یولو اوزرینده حرکت ائدن نیک‌شهرین بؤلگه بسیج مقاومتی‌نین ایکی واسطه‌سی، بمپور- اسپکه کسیشمه‌سینده بیر پژو ۴۰۵ اتومبیلی طرفیندن سالدیرییا معروض قالدی.
سالدیری نتیجه‌سینده اوچ اینقیلاب کئشیکچیسی اؤلدو، بیری یارالاندی.
اینقیلاب کئشیکچیلری آیریجا، سالدیرانلارین ایکیسی‌نین توققوشمادا اؤلدویونو و دیگر سالدیرانلارین کیملیگی‌نین آراشدیریلدیغینی سؤیله‌دی.
