نسرین ستوده‌نین حیات یولداشی رضا خندان حبس جزاسی‌نین ایجراسی اوچون چاغیریلیب
ایسلام جمهورییتی‌نین محکمه سیستمی مدنی فعال و نسرین ستوده‌نین حیات یولداشی رضا خندانی ۶ ایللیک حبس جزاسینی ایجرا ائتمک اوچون چاغیریب.
۱۳۹۷-جی ایلین بهمن آییندا رضا خندان حکیم و مدنی فعال فرهاد میثمی ایله بیرلیکده ۶ ایل مدتینه آزادلیقدان محروم ائدیلیب، لاکین بو حؤکمون ایجراسی ایندییه‌دک تاخیره آلینیب.
ایسلام جمهورییتی‌نین محکمه سیستمی رضا خندان و فرهاد میثمی توپلاشماق و میلی گوونلیگه قارشی ال بیر اولماق اتهامی ایله بئش ایل و رژیمه قارشی تبلیغات آپارماق اتهامی ایله ایسه بیر ایل مدتینه آزادلیقدان محروم ائدیب.
بو هفته‌نین باشیندا فرهاد میثمی حبس‌خانادان سربست بوراخیلیب و ایندی ایران ایسلام جمهورییتی‌نین محکمه سیستمی حبس جزاسی‌نین ایجراسی اوچون رضا خندانی چاغیریب.
رضا خندانین چاغیریشی حیات یولداشی نسرین ستوده‌نین “سی‌ان‌ان” کانالینا موصاحیبه‌سیندن بیر نئچه گون سونرا گلیب و او، ایراندا اعتراضلارین بیتمه‌دیگینی وورغولامیشدی.
