مهسا(ژینا) امینی تهرانداکی کسری خسته‌خاناسیندا دونیاسینی دئیشدیردی
مهسا امینی‌نین یاخینلاریندان بیری اونون تهرانداکی کسری خسته‌خاناسیندا دونیاسینی ديیشدیگینی تصدیقله‌ییب.
مهسا امینی‌نین بو عائله عضوونون دئدیگینه گؤره، اونون عائله‌‌‌سی جسدی تحویل آلما سورجینده‌دیر.
پولیسین مهسانین اؤلومونون قفیل اولماسی ایله باغلی آچیقلاماسیندان سونرا بسیج سانال اورتام تشکیلاتی‌نین رئیسی مسلم معین مهسا امینی‌نین کومایا دوشمه سببینی ائیتیم درسی زامانی اورک پروبلئمی آدلاندیریب و یازیب: ارشاد دئوریه‌سی‌نین قایدالاری کئچمیشده اولدوغو کیمی دئییل.
بو آغریلی حادثه ایله باغلی آرتان توپلومسال اعتراض دالغاسی ایله بیر سیرا ملت وکیللری بو حادثه‌‌‌نی ایزله‌یه‌جکلرینه سؤز وئریبلر.
عینی باغلامدا مجلیسین قادین فراکسیونونون عضوو شیوا قاسمی‌پور، پولیسین موشاهیده کامئرالاری‌نین مهسا امینی ایله باغلی گؤرونتولرین قئیده آلیندیغینا دقت چکرک، بو گؤرونتولرین آراشدیریلماسینی ملت وکیللری‌نین پولیسدن طلبلری آراسیندا آدلاندیریب.
داخیلی ایشلر ناظری احمد وحیدی ده ابراهیم رئیسی‌نین مهسا امینی حادثه‌‌‌سینی آراشدیرماق امرینی وئردیگینی دئییب.
#قادینلار #مهسا_امینی
