مشگین شهرده سو بحرانی دوام ائده جک

جوما آخشامی گونورتادان اؤنجه بعضی کندلرده سو کسینتیلریندن سونرا مشگین شهرین سو رزرولرینی زیارت ائدن ارسلان فرجی دئییب: چارشنبه‌ آخشامی آخشام ساعتلاریندان سو رزرولری‌نین اولماماسی مشگین شهرین بعضی بؤلگه‌لرینده و بو شهرین کندلرینده سو آخینینین دایانماسینا سبب اولوب و اینسانلار اوچون پروبلئملر یارادیب.

سون ۲ ایلده مشگین شهر کندلرینده سو قیتلیغی‌نین ساکینلری ناراحات ائتدیگینه دقت چکن او، بو مسئله‌‌یه آیدینلیق گتیریب: مشگین شهرکندلرینده سو قیتلیغی چوخدان اردبیل کندلیلرینی چتین دورومدا قویوب و اونلار اؤنجه اکین یئرلرینین سو تامینی ایله اوزلشیبلر، ایندی ایسه ایچمه‌لی سو ساحه‌‌‌سینده چتینلیک چکیرلر.

مشگین شهرین سو مسئله‌‌لری اوزره مودیری قئید ائدیب کی، داوام ائدن قوراقلیق مشگین شهری تهدید ائتمکده داوام ائدیر و سو پروبلئملری‌نین میقیاسینی هر گون آرتیریر.

او، مشگین شهرین و پریخان و دؤولت آباد کندلری‌نین ساکینلری‌نین ان چوخ سو سیخینتیسی ایله اوزلشدیگینی قئید ائده‌رک، ایچمه‌لی سویون توکتیمینده اهالیدن بو شهرین سو ایداره‌سینه یاردیم گؤسترمه‌لرینی خواهش ائدیب.
#آذربایجان_خبرلری #سو_بؤحرانی