مدنی فعال سعید مینایی اوین حبس‌خاناسی‌نین عومومی بندینه کؤچورولوب
تهرانین اوین حبس‌خاناسی‌نین گوونلیک تجرید‌خاناسیندا ساخلانیلان مدنی فعال سعید مینایی حبس‌خانانین عومومی بندینه کؤچورولوب.
۱۷ بهمن ۱۴۰۲-ده گوونلیک گوجلری سعید مینایی بناب شهرینده زوراکیلیقلا حبس ائدیلیب.
تبریزین گوونلیک تجرید‌خاناسیندان دیندیریلن مدنی فعال ۲۱ بهمن گونو ده اوین حبس‌خاناسینا کؤچورولوب.
قئید ائدک کی، سعید مینایی تورک دیلی و مدنيتی، چئوره پروبلئملری، اؤزللیکله، اورمو گؤلو ایله باغلی فعالیتلرینه گؤره، بوندان اؤنجه ده بیر نئچه دفعه حبس ائدیلیب.
سعید مینایی، ۱۶ مرداد ۱۴۰۲-ده بوناب شهرینده گوونلیک گوجلری طرفیندن بیر نئچه ساعتلیق حبس و سورغو-سؤالدان سونرا سربست بوراخیلیب.
