محکمه اورقانی‌نین نوید افکاری‌یه قارشی یئنی ادعاسی
محکمه اورقانی بیر آچیقلاما وئررک نوید افکاری‌یه قارشی یئنی ادعالار ائتدی.
بو اورقان آچیقلاماسیندا نوید افکاری‌نین شیراز سو ایداره‌سی‌نین بیر چالیشانی‌نین قتلینده ایشتیراک ائتدیگینی بیلدیریلیب.
محکمه اورقانی علاوه ائتدی: «نوید افکاری بیر بسیجی‌یه سوءقصد ائتمک نيتینده ایدی، آنجاق سؤز مؤوضوسو شخصین نیظامسیز حرکتی سببیندن اونا سوءقصد ائتمیی باجارمادی.»
«نوید افکاری، دیگر قارداشی حبیب افکاری ایله بیرلیکده اؤنجه‌کی ایللرده‌کی قاریشیقلیقلاردا دا ایشتیراک ائتدی» ایفاده‌سینی‌ده علاوه ائدیلدی.
محکمه اورقانی نوید افکاری‌نین ایشگنجه‌سی ایله باغلی خبرلری رد ائتدی.
شیرازدا ۱۳۹۷-جی ایلین مرداد اعتراضلاری زامانی توتوقلانان ۲۷ یاشلی گولشچی نوید افکاری ایکی دفعه اعدام جزاسینا محکوم ائدیلدی.
نوید افکاری‌دن باشقا ایکی قارداشی وحید و حبیب‌ده اوزون مدت حبس جزاسینا محکوم ائدیلیبلر.
نوید افکاری ، ایشگنجه آلتیندا اعتراف ائتمک مجبوریتینده قالدیغینی سؤیله‌ین بیر سس یایاراق بوتون اتهاملاری رد ائتدی.
