مجتبی پوربخش آزاد بیلیم‌یوردوندان ایخراج ائدیلیب
بیلیم‌یوردو اوستادلاری‌نین کوتلوی شکیلده ایشدن چیخاریلماسی ایله عینی واختدا مشهور ایدمان آپاریجیسی و بیلیم‌یوردو اوستادی مجتبی پوربخش بیلیم ناظرلیگی‌نین یئتکیلیلری طرفیندن تهران آزاد بیلیم‌یوردونون بدن تربیه‌‌سی فاکولته‌سی‌نین رئیسینه گؤندریلن مکتوبدا امکداشلیغینا سون وئریلیب.
جناب پوربخش بو مکتوبو ۱۴ شهریور، چارشنبه آخشامی اؤز اینستاگرام صفحه‌‌‌سینده یایاراق یازیب: یئتکیلی اورقانین امری ایله آزاد بیلیم‌یوردونون امکداشلیغینا سون وئریلمه‌سی حاقیندا مکتوب. ایدمان علمی‌نین بؤیوکلرینه تشکور ائدیرم کی، منه تهران بیلیم‌یوردوندا درس اوتاغیندا تدریس تجروبه‌سی اوچون ان کیچیک شانس قازاندیریبلار. بیر یئرده ایشله‌مه‌مه‌ییمیز اوچون بو قدر بیزی ایزله‌دیکلری اوچون یئتکیلی اورقانلارا تشکّور ائدیرم.
مجتبی پوربخش “قادین، حیات، آزادلیق” اعتراضلارینا دستک وئرن ایدمان شبکه‌سی‌نین ایدمان پروقراملاری‌نین یؤنتیجیسی و آپاریجیسی ایدی. کئچن ایل ۱۴ مهر گونو، دولایی یوللا یازی یایاراق ایرانین دؤولت تلویزیونوندان قووولدوغونو اعلان ائدیب.
جناب پوربخشین ایشدن چیخاریلماسی مهسا امینی‌نین ایل دؤنومونده و بیلیم‌یوردلاری‌نین گئنیش شکیلده سیخیشدیریلماسی عرفه‌‌سینده حیاتا کئچیریلیب.
