مئدیا فعالی سینا بندعلیزاده حبس ائدیلیب
اردبیل شهری‌نین گوونلیک گوجلری بو شهرده یاشایان مئدیا فعالی “سینا بندعلیزاده”نی حبس ائده‌رک بلیرسیز یئره آپاریبلار.
ایران‌وایرین الده ائتدیگی خبره گؤره، ۲۵ دی ۱۴۰۲-جی ایل بازار ائرته‌سی گوونلیک گوجلری سینا بندعلیزاده‌نی حبس ائدیبلر. بو اردبیللی ژورنالیستین حبسیندن ایکی گون کئچمسینه باخمایاراق، اونون حبسی‌نین سببلری، حبس ائدن قوروم و هارادا اولماسی باره‌ده هله ده بیلگی یوخدور.
سینا بندعلیزاده اردبیلده یاشایان مدنی فعال و ژورنالیستدیر. او، اؤنجه‌لر ده فارس خبر آژانسی ایله امکداشلیق ائدیب. جناب بندعلیزاده آذربایجاندا سوسیال و چئوره ساحه‌سینده ان فعال ژورنالیستلردن بیریدیر و آذربایجانین چئشیدلی شهرلرینه سفر ائده‌رک ویدئورپورتاژلار حاضرلاییر و بو رپورتاژلاری اینستاگرام صفحه‌‌‌سینده پایلاشیر.
