قزوینده بیر بهایی آئیله‌نین ائوینده آختاریش آپاریلیب
ایراندا بهایی وطنداشلارا قارشی شدت و تضییقلرین گوجلنمه‌سی‌نین آردیندان ۱۸ مرداد ۱۴۰۱-جی ایل چارشنبه آخشامی گونو قزوین شهرینده مهرزاد و گلریز زهرایی (نورانی) آدلی بهایی جوتلویونون ایقامتگاهیندا گوونلیک گوجلری طرفیندن آختاریش آپاریلیب و نووتبوک، موبیل تلفونلاری و کامپیوترلری کیمی بعضی شخصی اشیالاری گؤتورولوب.
خاطیرلاداق کی ۹ مرداد ۱۴۰۱-جی ایل ۹ مرداد بازار گونو ایرانین چئشیدلی شهرلرینده، او جومله‌‌‌دن قزوینده اونلارلا بهایی وطنداشین ائولری اطلاعات ناظرلیگی‌نین مامورلاری طرفیندن یوخلانیلیب و بیر سیرا بهاییلر حبس ائدیلیب.
باشقا بیر خبره گؤره، ایسلام جمهورییتی‌نین بهاییلره تضییقی ایله باغلی اولاراق، ۱۱ مرداددا ساری یاخینلیغینداکی روشنکوه کندینده موختلیف دؤولت قوروملاری‌نین ۲۰۰ نفره یاخین مامورو بهاییلرین ائولرینی داغیدیبلار.
#دینی_آزلیقلار #بهایی
