علی رضی زاده نظرلو تورک مدنی آکتیویست ۲ ایل حبس و اک جزالارا محکوم ائدیلیب
علی رضی زاده نظرلو حاکم صلواتی‌نین باشچیلیق ائتدیگی تهران اینقیلاب محکمه‌‌سی‌نین ۱۵-جی شؤبه‌سی طرفیندن اؤلکه‌نین گوونلیگی‌نین پوزولماسینا سبب اولان قئیری قانونی پان ترکیسم قروپلاشماسینا عضوو اولماق اتهامی ایله ۲ ایل حبسه و اک جزا اولاراق ۲ ایل قروپلارا عضو اولماق و اؤلکه‌دن چیخیش قاداغاسی ایله جزالاندیریلیب.
دادنامه‌ده دئییلیر کی، اینستاگرامدا ائتنیک و پان‌تورکیست دوشونجه‌لرین تبلیغی و بؤلوجو حرکاتلارین دستکلنمه‌سی ساحه‌‌‌سینده صفحه‌‌‌نین یارادیلماسی و گوونلیگه قارشی پان‌تورکیست محکوملار، گاماج، عباس لسانی و لطیف حسنی و ابراهیم نوری و…. دستکه‌دیگی اوچون ۲ ایل حبسه و اک جزا اولاراق ۲ ایل قروپلارا عضو اولماق و اؤلکه‌دن چیخیش قاداغاسینا محکوم ائدیلیب.
قرار اوز اوزه وئریله‌جک و بیلدیریش تاریخیندن اعتباراً ۲۰ گون ایچینده تهران ایالتی‌نین تئمییز محکمه‌‌لرینه شیکایت وئریله بیلر.
بو فعالین محکمه‌‌سی ۲۴ تیر گونو تهران اینقیلاب محکمه‌‌سی‌نین ۱۵-جی شؤبه‌سینده کئچیریلدی.
