عباس لیسانی‌نین پوستری تبریزین دووارلارینا یاپیشدیریلدی
بیرلیک- تبریزده بیر قوروب مییللی-مدنی فعال بیر آرایا گلرک، تانینمیش آزربایجانلی آکتیویست، عباس لیسانی‌نین شکیللرینی عمومی کئچیدلر و دووارلارا یاپیشدیراراق، آکتیویستین درحال سربست بیراخیلماسینی ایسته دیلر .
“عباس لیسانینی آزاد بیراخین”، “عباس لیسانی آزربایجان میللتی‌نین سسی”، “بیز هامیمیز عباس لیسانییک” کیمی شعارلار دوورلارا یازیلدی . وورقولاماق لازیم کی کئچن گونلرده، اینسان حاقللاری اورگوتو ، اردبیل مرکزی حبس‌خاناسیندا دوستاق اولان عباس لیسانی‌نین ساغلیق پروبلملری اولماسیندان خبر وئریب .
عباس لیسانی ایندیلیک اردبیل مرکزی حبس‌خاناسینین یئدینجی شعبه‌سینده، ۱۵ ایللیک حبس جزاسینی کئچیرمکده و عئینی زاماندا چئشیدلی خسته‌لیکلرله مجادیله ائتمک‌ده دیر . اما تاسفله ایرانین قضایی قوه لری بو دورومو گورممکدن گلیرلر.
