ضرغامی: ایران‌دا ۲۰ میلیوندان چوخ تورک اوچون تورک دیلینده کانال قورمامیزا ایمکان وئرمه‌دیلر
او، تلویزیون پروقرامیندا دئییب: ”تورکجه ایالت شبکه‌لری ایله یاناشی تورک دیلینده یئنی میلی کانال آچماغا قرار وئردیم. چوخ فایدالی و ائتکیلی اولاجاغینا اینانیردیم. بعضی جنابلار بونونلا راضیلاشمایاراق دئدیلر کی، میلی دیلیمیز فارس دیلیدیر و باشقا دیلده عومومی شبکه آچیلمامالیدیر. رهبرلیک قارشیسیندا مسئلهنی آچدیم. دئدیلر کی، نه راضییام، نه ده راضی دئییلم. ایکی نفرله، جناب میرحسین موسوی و علی عبدالعلی زاده ایله دانیشین. هر ایکی شخصله دانیشدیم و هر ایکیسی بو پلانی موثبت قارشیلادی. “
من بیر آز واسواسلا یاناشدیم و عالی میلی گوونلیک شوراسی‌نین کاتیبی ایله بو مسئلهنی دانیشدیم. بیر نئچه گؤروشده لازیمی آچیقلامالاری وئردیم. اؤنجه راضیلاشدیلار. آما جاوابلارینی او قدر گئجیکدیردیلر کی، من او فیکری بوراخیب باشقا کانال قوردوم.
ایران‌داکی تورکلر تورکجه ائیتیم آلماق، تورکجه میلی قزئت و تلویزیون کانالینا صاحب اولماق کیمی بیر چوخ اساس حوقوقلاریندان محرومدور. حتی آذربایجانلی والیدئینلرین ده اؤولادلارینا تورکجه آد سئچمک حوقوقو یوخدور و اؤولادلارینا قئیدیات تشکیلاتی‌نین تکلیف ائتدیگی آدلاری قویمالیدیرلار.
Iranwire
