سون ۲۴ ساعت ایچینده دوغو آذربایجان‌دا ۲۵ کرونا خسته‌سی اؤلدو
تبریز طب علملری بیلیم‌یوردونون ساغلاملیق اوزره معاونی، ایالتده کرونا خسته‌لیگی و بو خسته‌لیگه توتولان خسته‌لرین سایی‌نین یوکسک اولدوغونو ایفاده ائده‌رک، سون ۲۴ ساعت ایچینده ایالتده ۲۵ کرونا خسته‌سی‌نین اؤلدویونو دئدی.
شنبه گونو ژورنالیستلره دانیشان عباسعلی درستی، ایالت خسته‌خانالاریندا کرونا ویروسو ایله خسته‌خانایا یئر‌لشدیریلنلرین سایی‌نین هله ده آرتدیغینی سؤیله‌دی و علاوه ائتدی: بو سورجین قارشیسینی آلماق اوچون هامیمیز کرونایا قارشی قرارگاهین قایدالارینا عمل ائتمه‌لی‌ییک.
او دئدی: ایالتده‌کی کرونا دورومو کریتیکدیر و اینسانلار یاخینلاری‌نین اؤلومونون قارشیسینی آلماق اوچون ساغلاملیق قایدالارینی رعایت ائتمه‌لیدیرلر.
حاضردا دوغو آذربایجان‌دا ۳۰۰ نفردن چوخ آغیر خسته اولان کرونا خسته‌نین مکانیکی تنفوس آلتیندادیر.
آیریجا، ایالتده گونده‌لیک کرونا اؤلوملری‌نین سایی، بو ایلین باشلاریندا گونده بیر-ایکیدن، سون گونلرده ۲۰-دن ۲۵ نفره یوکسلدی، بو دا ناراحاتلیق دوغورور.
iranwire
