باتی آذربایجان: سولدوزدا دوکتور امیر مشعوفی حبس ائدیلیب
باتی آذربایجانین سولدوز (نقده) شهری‌نین خمینی خسته‌خاناسیندا چالیشان و خالخال شهریندن اولان آذربایجانلی حکیم امیر مشعوفی گوونلیک گوجلری طرفیندن حبس ائدیلیب.
بو آذربایجانلی حکیمین حبسی‌نین سببلری، اتهامی و کؤچورولمه یئری باره‌ده آیرینتیلی بیلگی یوخدور.
سون اعتراضلارلا عینی واختدا آذربایجانین موختلیف شهرلرینده حبسلرین حجمی کسکین شکیلده آرتیب.
آیریجا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.
