سانال اورتام قوللانیجیلاری‌نین سپیده رشنونون دوروموندان خبرسیزلیگه اعتراضی
اینقیلاب کئشیکچیلرینه یاخین فارس خبر آژانسی طرفیندن سپیده رشنویا عاید ائدیلن مجبوری اعترافلارین ویدئوسونون یاییلماسیندان سونرا مجبوری حجابا اعتراض ائدن بو قادینین دوروموندان خبرسیزلیکدن سونرا سانال اورتام قوللانیجیلاری اونا دستک اولوبلار.
یاییملانان ویدئودا سپیده رشنو اولدوغو ایما ائدیلن قادین نهایت ائتدیگیندن پئشمان اولدوغونو بیلدیریب و بی‌آر‌تی اتوبوسونداکی تاجیزجی قادین رایحه ربیعی‌دن عوذر ایسته‌ییب.
بو ویدئونون درجیندن سونرا ایران‌اینترنشنال تلویزیونو بیلگیلی بیر قایناغا ایستناداً اعلان ائتدی کی، بو کلیپده اعتراف ائتمه‌یه مجبور ائدیلن قادین سپیده رشنو دئییل و بو اعتراف ویدئوسو مجبوری حجاب اوچون باسقیدا بولونان قادینلا داوا ائدن و ای یارالانان قادین حاقیندادیر.
بعضی سانال اورتام قوللانیجیلاری حؤکومتین خانیم رشنویا قارشی پرونده آچماسینا ایستیناد ائده‌رک و بو قادین صنعتچی‌نین حبس اولوندوغو یئرله باغلی بیلگی‌نین آز اولماسینی تنقید ائده‌رک، حاکیميتدن بونونلا باغلی جاواب وئرمه‌سینی طلب ائدن سپیده هاردادیر هشتگی ایله کامپانییایا باشلاییب.
اسماعیل آدلی بیر قوللانیجی توییترده یازیب کی، حؤکومت مئدیاسی و سپیده رشنونو قاچیران شخصلر اونا قارشی بیر اتمسفر یارادیرلار و بو، اونون بؤیوک تضییق آلتیندا اولدوغونو گؤستریر.
#مجبوری_حجاب #سپیده_رشنو
