ایران‌وایره چاتان خبره گؤره، تورک مدنی فعال سالار طاهرافشار حاکم ابوالقاسم صلواتی‌نین باشقانلیق ائتدیگی تهران اینقیلاب محکمه‌‌سی‌نین ۱۵-جی شؤبه‌سی طرفیندن ۵ ایل ایل حبسه محکوم ائدیلیب.

بو حؤکم “داخیلی و خاریجی گوونلیگه قارشی جینایت تؤرتمک نيتی ایله توپلاشماق و ال‌بیر اولماق” اتهامی ایله چیخاریلیب.

جناب طاهرافشار شخصی اینستاگرام صفحه‌‌‌سینده بو حؤکمو شخصاً گؤردویونو آچیقلاییب. اونون اتهاملاری اوزره محکمه اوتورومو جناب ودود اسدی ایله بیرلیکده بو ایل ۱ خرداد گونو کئچیریلمیشدی.

الکترون قاندال ایله نظارت آلتیندا محکوملوغونو چکن تورک مدنی فعال سالار طاهرافشارین اسنپ‌ده چالیشماسینا داها اؤنجه فراجا پولیس تشکیلاتی طرفیندن صلاحیتیسیز آدلاندیریلاراق قاداغان قویولموشدو.

بو ایل تیر آیی‌نین سونوندا تورک مدنی فعال و سیاسی محبوس سالار طاهرافشار تبریز زیندانیندان الکترون قاندال نظارتی آلتیندا آزاد ائدیلیب و حاضردا حبس‌خانادان کناردا حرکت محدودیتی ایله جزاسینی چکیر.