سالار طاهر افشار حبس اولوناراق تبریز اطلاعات ایداره‌سینه تحویل وئریلیب
تورک مدنی فعال سالار طاهر افشار دونن ۲۸ آذر ۱۴۰۲-ده اورمیه‌ده گوونلیک گوجلری طرفیندن حبس ائدیله‌رک تبریز اطلاعات ایداره‌سینه تحویل وئریلیب.
آلمانییادا یاشایان حوقوقچو، آذربایجان اینسان حوقوقلاری تشکیلاتی‌نین باشقان یاردیمجیسی سینا یوسفی ایکس (توییتر) حسابیندا یازیب: آذربایجانلی فعال سالار طاهر افشار اورمیه‌ده گوونلیک گوجلری طرفیندن حبس ائدیله‌رک تبریز اطلاعات ایداره‌سینه تحویل وئریلیب. گوونلیک گوجلری اونون آتاسی‌نین ائوینه حبس حؤکمو تقدیم ائتمه‌دن و کیلیدی سیندیراراق گیریب، ائوده آختاریش آپاریب و قانونسوز اولاراق اونو حبس ائدیبلر.
بو آذربایجانلی فعال محکمه ضابیطلری طرفیندن ۳۰ فروردین ۱۴۰۰-ده آتاسی‌نین ائوینده توتولدو و بیر ایل حبس جزاسینی چکمک اوچون اورمیه مرکزی حبس‌خاناسینا کؤچورولدو.
سالار طاهر افشار، ۲۸ تیر ۱۴۰۰-ده جزاسی‌نین سونونا قدر الکترونیک آیاق قاندالی ایله اورمیه مرکزی حبس‌خاناسیندان سربست بوراخیلمیشدی.
داها اؤنجه‌ده سالار طاهر افشار، ۲۶ تیر ۱۳۹۹-دا جوما آخشامی گونو، ایکینجی قاراباغ ساواشی زامانی اورمیه شهری‌نین اطلاعات و گوونلیک پولیسینه (۹ پله) چاغیریلدیقدان سونرا توتولدو و ۳۱ تیر ۱۳۹۹-جو ایلده محکمه‌‌نین سونونا قدر ۵۰ میلیون تومن گیرووو قارشیلیغیندا مووقتی اولاراق سربست بوراخیلدی.
