زنگاندا مینلرله بالیق اؤلدو
زنگانین سهرین طبیعی سو بندینده سولارین دوزگون ایستیفاده ائدیلمه‌مه‌سی و دوزگون بوشادیلامامسی سببیندن مینلرله بالیق اؤلدو.
زنگان ایالتی‌نین چئوره قوروما باش ایداره‌سی‌نین وحشی طبیعته نظارت معاونی پرویز رستمی “بندین قوروماسی هر نؤوع سو حئیوانلاری‌نین و بالیقلارین اؤلومونه سبب اولدو” دئدی.
رستمی، “بو تورپاق بند سو حؤوزه‌‌‌‌سی مودورلوگو طرفیندن یارادیلدی، لاکین بو بندده بالیق بئجرمک اوچون هله یئتکیلی بیر قوروم بللی ائدیلمییب و بو گونه قدر هئچ بیر قوروم بو ایشی عهده‌‌سینه آلمیییب.”
او دئدی، “هانسی ایداره و قورومون بو بندده بالیق بئجرمه‌یه ایجازه وئردیگینی اؤیرنمک اوچون باش ایداره‌ده آراشدیرما داوام ائدیر”.
سهرین تورپاق بندینده‌کی سو، باغلاری و اکین ساحه‌‌‌لرینی سووارماق اوچون بعضی اینسانلار طرفیندن بؤیوک بورولارلا بندین آرخاسینا آپاریلیردی.
بؤلگه ساکینلریندن بیری دئییر “مسوول‌لار حئیوانلارین حوقوقلارینا محل قویماماق اوچون بو چوخ آجی حادثه‌‌‌نی تؤره‌دنلره قارشی لازیمی قانونی تدبیرلر گؤرمه‌لیدیر”.
