زاهیدانداکی قانلی جوما پرونده‌سینده ۲۶ نفر حاققیندا ادعانامه حاضرلانیب
ایسلام جمهورییتی سلاحلی قوه‌لری‌نین عدليه تشکیلاتی‌نین رئیسی زاهیداندا اعتراضچیلارین قانلی شکیلده یاتیریلماسی و اؤلدورولمه‌سیندن تخمیناً سککیز آیا یاخین واخت کئچدیکدن سونرا ۲۶ نفر حاققیندا ادعانامه حاضرلانیب.
سلاحلی قوه‌لرین عدليه تشکیلاتی‌نین رئیسی احمدرضا پورخاقانین سؤزلرینه گؤره، بو پرونده اوزره تقصیرلندیریلن شخصلردن ۱۱ نفری‌نین و یارالانمایا نه‌دن سبب اولان سلاح ایله آتش، قالان ۱۵ نفر ایسه وظیفه‌‌‌‌لریندن سوءایستیفاده ائتمکده اتهام اولونور. قایدالارا ضد آتش، امرلره قارشی حرکت مؤوضوسوندا ادعانامه حاضرلانیب.
سلاحلی قوه‌لرین بو عدليه یئتکیلیسی آرتیریب کی: بو فاجعه‌‌‌وی حادثه‌‌‌ده گوناهکارلار و جینایت تؤره‌دنلره هئچ بیر دؤزوملولوک یوخدور و بو پرونده‌یه باخیلماسی ایله باغلی بیلگی تئزلیکله یاییملاناحاق.
سیستان و بلوچیستانین اینسان حاقلاری خبرلرینی یایان حالوش خبر سایتی‌نین خبرینه گؤره، ایسلام جمهورییتی‌نین گوونلیک گوجلری مهرده زاهیداندا ۱۲۱ نفری اؤلدوروب، ۲۷۰-دن چوخ اینسانی یارالاییب.
بو باسقیلاردان سونرا ایران اینقیلاب کئشیکچیلری‌نین یئتکیلیلری بو هوجوملارا گؤره “جیش‌العدل” قروپلاشماسی‌نین مسوولیت داشیدیغینی بللی ائتدیلر، آنجاق جوما گونو زاهیدان سونی ایمامی مولوی عبدالحمید اعتراضچیلاری دستکله‌یرکن حقیقتی آراشدیران کومیته‌نین یارادیلماسینی ایسته‌دی. قانلی جوما گونو علی خامنه‌ای‌نین اعتراضچیلارین اؤلدورولمه‌سینه گؤره مسوولیت داشیدیغینی بیان ائتمیشدی.
