ریضا براهنی‌نین یاسی بو آخشام ساعات ۱۹:۳۰ دا ارک تبریزده توتولاجاق
سوسیال مئدیا قوللانجیلاری، توییتر، اینستگرام و فیس بوک کیمی فرقلی سانال شبکه‌لرده، پست پایلاشاراق بیلدیردیلرکی بو آخشام سایین ریضا براهنی‌نین یاسینی اؤز دوغما یوردو تبریزده توتاجاقلار.
پایلاشیلان بو پستلارا گؤره: بو گون فرودین‌نین ۶ سیندا دکتر، یازار، شاعیر و منتقید ریضا براهنی‌نی دیگر دونیایا یولجو ائتمک و یادینا سایغی ایله آنماق اوچون، هامی تبریزین ارکینه گئدیب و اورادا هر کس بیر شمع یاندیراجاقدیر .
وورقولاماق لازیم کی مرحوم ریضا براهنی اوز وصیتینده دئمیشدی کی اؤلندن سونرا منی اؤز توپراقیمدا مزارا قویلایین . اما نه یازیق کی بو ایستگی گرچکلشمدی .
یئری اوچماق اولسون
