رضا پورجعفر اورمیه‌ده حبس ائدیلیب
ایران‌وایرین الده ائتدیگی بیلگیلره گؤره صنعتچی و آکتور رضا پورجعفر گوونلیک گوجلری طرفیندن حبس ائدیله‌رک بلیرسیز یئره آپاریلیب.
بو آنا کیمی حبسین سببلری، پرونده‌نین آیرینتیلاری و اورمیه‌ده یاشایان بو آذربایجانلی صنعتچی‌یه قارشی ایره‌لی سورولن اتهاملار باره‌ده آیرینتیلی بیلگی یوخدور.
آیریجا رضا پورجعفر حبس اولوندوقدان سونرا اونون اینستاگرام حسابی دا بلوکلانیب.
ایراندا عومومی اعتراضلار باسدیریلدیقدان سونرا، قیز اوخوللارینا ائدیلن کیمیاسال سالدیریلارین آردیندان دا بعضی مدنی فعاللار تهدید ائدیلیب، توتولوب و حبس ائدیلیب.
