دوغو و باتی آذربایجاندا آغیر یول قضالاری سونوجوندا ۶ نفر حیاتینی ایتیریب

۴ مرداد ۱۴۰۲-جی گون دوغو و باتی آذربایجان ایالتلرینده آغیر یول قضالاری سونوجوندا ۶ نفر حیاتینی ایتیریب و ایکی نفر ده یارالانیب.

ایران مئدیاسیندا یئر آلان بیلگیلره گؤره دوغو آذربایجان ایالتی‌نین تبریز-میانا یولوندا باش وئرن قضا سونوجوندا ۳ نفر حیاتینی ایتیریب، بیر نفر یارالانیب. باتی آذربایجان ایالتینده ایسه سویوق‌بولاق-بوکان یولوندا باش وئرن قضا سونوجوندا ۳ نفر حیاتینی ایتیریب و بیر نفر یارالانیب.

راهور پولیس رئیسی دئییب: اؤلکه‌ده هر ایل اورتالاما ۱۶ مینه یاخین اینسان یول حادثه‌‌‌لری سونوجوندا حیاتینی ایتیریر.

ایراندا سون ۲۰ ایلده باش وئرن یول قضالاریندا ۴۰۵ مینه یاخین اینسان حیاتینی ایتیریب.

ایران ایسلام جمهورییتی‌نین خبر آژانسی‌، عدلي‌‌ طبین وئردیگی بیلگیلره اساسلاناراق یایدیغی بیلگیلره گؤره، ۱۳۸۴-۱۴۰۱-جی ایللر آراسیندا ۱۷ ایل ایچینده باش وئرمیش یول قضالاری سونوچوندا بئش میلیون بئش یوز میندن چوخ اینسان یارالانیب.

دونیا ساغلیق تشکیلاتی‌نین دئدیگینه گؤره قضا سونوجوندا اؤلنلرین سایی ایله باغلی سون ایستاتیستیکاسینا گؤره، ایران دونیانین ۱۸۳ اؤلکه‌سی آراسیندا ۶۵-جی یئرده‌دیر.