خالخال‌دا بیر قارا قولاق لئشی کشف ائدیلدی
چینار – خالخال چئوره قوروما اداره‌سی‌نین رئیسی، جمعه گونو ۱۴۰۰-جو ایلین مهر آیی‌نین ۱۶-دا بو شهرستان‌دا بیر قاراقولاق (وشق) لئشی‌نین کشف ائدیلدییینی بیلدیریب دئدی: بو لئش خالخالین مرکزی حیصه‌سینده‌کی لمبر کندی‌نین یولو بویونجا و قورونان اراضی‌دن کناردا کشف ائدیلمیشدیر.
امین شکوری آرتیردی: بو نادر نوع، اوو تامین ائتمک اوچون فعالیت‌لرینین چوخونو سحر تئزدن و گئجه واختی گؤردویونو نظره آلساق، لمبر کندی‌نین (مرکزی حیصه‌ده) یولونو کئچرکن سووشان ماشین‌لارلا توققوشوب اؤلمه‌سی مومکون گؤرونور.
دئمه‌لی قاراقولاق وحشی پیشیکدن داها بؤیوکدور و بعضا ببرله ده‌ییشیک سالینیر. تخمینا ۲۰-۱۵ سانتی‌متر اوزونلوغوندا بو حیوانین؛ قیسا قویروغو، اوزون قوللاری و آیاقلاری، قوللاقلارینین اوجوندا اوزون قارا ساچلاری و بدنی‌نین هر طرفینده بؤیوکلو-کیچیکلی قهوه‌ای لکه‌لری واردیر.
قئید اتمک لازیمدیر کی، قاراقولاق ایران‌ین چئوره قوروما ارگانی‌نین نسلی کسیلمک‌ده اولان نوعلار سیراسینا داخل اولماقلا یاناشی، هم ده دونیادا نسلی کسیلمک‌ده اولان نوعلار (بین الخالق طبیعتین و طبیعی ثروت‌لرین قوروماسی بیرلییی) سیراسیندا یئرله‌شیر.
