حسین خدایی تبریز مرکزی حبس‌خاناسیندان سربست بوراخیلیب
خبرلره گؤره تورک مدنی فعال حسین خدایی دونن ۲۹ دی ۱۴۰۱-جی ایلده تبریزین مرکزی حبس خاناسیندان محکمه‌‌‌یه قدر گیروو قارشیلیغیندا سربست بوراخیلیب.
بو واختا قدر پرونده‌نین آیرینتیلاری و اونا قارشی ایره‌لی سورولن اتهاملار باره‌ده آیرینتیلی بیلگی یوخدور.
حسین خدایی ۱۶ آذرده ایش یئرینده گوونلیک گوجلری طرفیندن حبس ائدیلیب و گوونلیک گوجلری اونون ائوینده ده آختاریش آپاریب و بعضی شخصی اشیالارینی موصادیره ائدیب.
۸ ایللیک ایران-عراق ساواشی‌نین بو یوزده ۴۰ جانبازی حبس ائدیلدیکدن سونرا گوونلیک گوجلری اونون ائوینده آختاریش آپاراراق شخصی اشیالاری‌نین بیر قیسمینی موصادیره ائدیب.
جناب خدایی داها اؤنجه‌ده گوونلیک اورقانلاری طرفیندن چاغیریلاراق حبس ائدیلیب.
سون اعتراضلاردا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.
