حبسده اولان آیاز سیف‌خواه‌ین قارداشلاری ساخلانیلیب
اوین حبس‌خاناسی‌نین اطلاعات تجریدخاناسیندا حبسده اولان مدنی فعال آیاز سیف خواه‌ین قارداشلاری جعفر و احد سیف‌خواه ۱۶ اسفند چارشنبه گونو دؤیوله‌رک گوونلیک گوجلری طرفیندن حبس ائدیلیبلر.
آلینان بیلگیلره گؤره، ۱۶ اسفند ۱۴۰۲-ده قارداشلاری‌نین شخصی موبیل تلفونونو اله کئچیرمک اوچون چوخلو سایدا مامور تبریزین کلانکش بؤلگه‌سینه گؤندریلیب و بو ایکی قارداشی زوراکیلیقلا حبس ائدیب.
جعفر سیف‌خواه ساخلاندیقدان بیر نئچه ساعت سونرا سربست بوراخیلیب. آنجاق واحد سیف‌خواه خسته اولماسینا باخمایاراق هله ده حبسده و بودا عائله‌سی آراسیندا ناراحاتلیق یاردیب.
آیاز سیف‌خواه ۱۶ بهمن ۱۴۰۲-جی ایل بازار ائرته‌سی چوخلو سایدا سیویل گئییملی مامورلار طرفیندن تبریز یاخینلیغینداکی کلانکش کندینده حبس ائدیله‌رک تهرانین اوین حبس‌خاناسی‌نین اطلاعات تجرید‌خاناسینا کؤچورولدو. ضابیطلری حبس ائدندن سونرا موشرّفین کامئرالارینی بو آذربایجانلی فعالین ساخلاندیغی یئره آپاریبلار و اؤزلری ایله آپاریبلار.
