تورک مدنی فعال رحمان آزرمیراد تلفونلا اطلاعات ایداره‌سینه چاغیریلیب
اؤتن گونلرده تبریزده یاشایان تورک مدنی فعال رحمان آزرمیراد دیندیریلمه و آچیقلامالار اوچون دفعه‌‌لرله اطلاعات مامورلاری طرفیندن تلفونلا چاغیریلیب.
او، بئله چاغیریشلارین قانونسوز اولماسی سببیندن اطلاعات ایداره‌سینه گئتمکدن ایمتینا ائدیب.
قئید ائدک کی، بو جور چاغیریشلار تامامیله قانونسوزدور و مدنی فعاللارین فعالیتینی دوردورماق و قارشیسینی آلماق اوچون ایستیفاده اولونور.
رحمان آزرمیراد بوندان اؤنجه ده مدنی فعالیتینه گؤره گوونلیک اورقانلاری طرفیندن حبس ائدیلیب.
سون هفته‌لر و زنگه‌زور کریدورو ایله باغلی حادثه‌‌‌لرله عینی واختدا ایران گوونلیک گوجلری‌نین تورک مدنی فعاللارا قارشی تضییقلری آرتیب.
