تهراندا بیروت پارتلاییشی‌نین تکرارلانماسینا قارشی خبردارلیق
تهران شهر شوراسی‌نین بودجه کومیته‌سی‌نین رئیسی مجید فراهانی، تهراندا بیروت پارتلاماسیندان داها بؤیوک «فلاکت» باره‌ده خبردارلیق ائتدی.
فراهانی اینستاگرام صفحه‌‌‌سینده یازیب کی، شهرین یئرلشیم بؤلگه‌سینده‌کی بیر نفت آنباری‌نین اولماسی «شهر داخیلینده‌کی هیدروژن بومبادیر.»
بو شهر شوراسی‌نین عضوونون یازدیغی کیمی، هر گون تخمیناً 300 تانکر شهرین نفت آنباریندان 300.000 لیترلیک یاناجاق یوکله‌ییرلیر.
او علاوه ائتدی: «آنبارین یاخینلیغیندا یاناجاق دولدورارکن تانکرلرین بیرینده و یا اونو داشییان واسطه‌‌‌ده هر هانسی بیر قضا کیفایتدیر.»
فراهانی خبردارلیق ائده‌رک دئدی، قضا باش وئردیگینده «یاناجاق آنبارلاری‌نین آردیجیل پارتلاماسی ایله تهراندا باش وئره‌جک فلاکت بیروتداکی فلاکتدن داها بؤیوک اولاجاقدیر.»
