تانینمیش آکتور، یازیچی و تبریز تئاترینین یؤنتمه‌نی سیامک افسایی کرونا سببییله بو گون ۱۳ اردیبهشت ۱۴۰۰ تاریخینده حیاتینی ایتیردی.
دوغو آذربایجان صحنه صنعتلری درنگی‌نین خالق ایله ایلیشگیلر مودیری بو خبری تصدیقله‌دی و علاوه ائتدی: مرحوم افسایی، کرونا خسته‌لیگی سببییله ۱۰ گون تبریزده‌کی ۲۹ بهمن خسته‌خاناسیندا یاتدی، لاکین تأسف کی، بو گون حیاتینی ایتیردی.
سیامک افسایی، ایران تلویزیونوندا تانینمیش آکتور، یازیچی و تئاتر یؤنتمه‌نی ایدی. سیامک افسایی‌نین ان اونملی اثرلریندن بیری آنام سریالیندا رول آلماقدیر.
بو گون دوغو آذربایجان یولوخوجو خسته‌لیکلر ساغلاملیق مرکزی‌نین مودیری ایالتده اؤلنلرین سایی‌نین گونده ۱۷-۱۹ نفره چاتدیغینی و ایالتده‌کی کرونا یایلماسی‌نین نیسبی ثابتلییه چاتدیغینی بیلدیرمیشدی.
