تبریزده ۵ مدنی فعال گوونلیک گوجلری طرفیندن توتولوب
تبریزده یاشایان، داود شیری، حمزه ولیزاده، روح‌الله احمدی‌نژاد، جواد احمدزاده و علیرضا صبری آدلی ۵ مدنی فعال ۲۸ اردیبهشت ۱۴۰۲-ده گوونلیک گوجلری طرفیندن حبس ائدیلیب.
بو آنا قدر بو فعاللارین حبسی‌نین سببلری و ساخلاندیغی یئر باره‌ده آیرینتیلی بیلگی یوخدور و یاخینلاری‌نین آختاردیغی بیلگیلره گؤره، گوونلیک گوجلری بو فعاللارین ائولرینده آختاریش آپاریبلار و جیب تلفونو، بیلگی‌سایار کیمی بعضی شخصی اشیالاری، کیتابلارینی و آل یازیلارینی موصادیره ائدیبلر.
ساخلانیلانلاردان داوود شیری‌نین “ایران ایسلام جمهورییتینه قارشی تبلیغات” اتهامی ایله داها بیر آچیق پرونده‌سی وار و بو ایل ۲۹ فروردین گونو بو مدنی فعالین محکمه‌‌سی تبریز اینقیلاب محکمه‌‌سی‌نین ایکینجی شؤبه‌سینده کئچیریلیب.
حبس اولونانلارین یاخینلاری‌نین وئردیگی بیلگیلره گؤره حبس اولونان بو فعالارین حبس نه‌دنی چوخ احتیمال کی ۱۳۸۵ ایل اعتراضلاری‌نین ایل دؤنومو ایله باغلانتیلی اولسون.
