بیر بهایی وطنداشین بئش ایل حبس جزاسی تصدیقلندی

بیرجندده یاشایان بهایی وطنداش «فرید زیرگی مقدم»، ۵ ایل حبس جزاسینا محکوم ائدیلدی.

بو حؤکم ۲۷ شهریور ۱۳۹۹-جی ایلده گونئی خوراسان ایالتی‌نین تمییز محکمه‌‌سی‌نین دؤردونجو شؤبه‌سی‌نین حاکیمی ابراهیم رمضانی‌نین باشقانلیغی و حمید عربزاده‌نین موستشارلیغی ایله تصدیق ائدیلدی.

زیرگی مقدم، ایلکین محکمه‌‌ده ۶ ایل حبس جزاسینا محکوم ائدیلمیشدی.

تمییز محکمه‌‌سی، بهایی وطنداشین بیر ایل حبس جزاسینی لغو ائده‌رک “رژیمه قارشی تبلیغات” اتهامی ایله بئش ایل حبس جزاسینا محکوم ائتدی.

زیرگی مقدمین اتهاملاری، “بهاییلرله علاقه‌‌‌لی بیر تلگرام کانالی آچماق” و ” گوونلیگه قارشی بهایی تشکیلاتینا عضو اولماق” اتهامی ایله موحاکیمه‌‌ اولوندو.

ایرانداکی بهاییلر بیر چوخ تضییق و محدودیتلرله قارشیلاشیرلار و بیر چوخ مدنی حوقوقلاریندان محرومدورلار.