باتی آذربایجانین اطلاعات ایداره‌سی: سون ایکی آیدا ۴ نفری اؤلدوردوک
باتی آذربایجان اطلاعاتی بو ایداره‌نین مامورلاری‌نین سون ایکی آیدا بو ایالتده دؤرد نفری اؤلدوردویونو آچیقلادی.
آدی آچیقلانمایان بو اطلاعات مقامی ۳۰ اردیبهشت ۱۴۰۰ جوما آخشامی ژورنالیستلره دئدی: “سون ایکی آیدا ایکی نفر اورمیه‌ده و ایکی نفر خوی‌دا، قانونا عمل ائتمه‌دیکلری و اطلاعات مامورلاری ایله چاتیشدیقلاری اوچون” قولدورلار ایله موباریزه پلانی “چرچیوه‌سینده اؤلدورولدولر.”
باتی آذربایجانداکی اطلاعات مودیری ده “قولدور” آدلاندیردیغی ۲۸ نفرین حبس اولوندوغونو اعلان ائده‌رک گوونلیگی قوروماق اوچون بونو کیچیک بیر “قیزیشما” آدلاندیردی.
ایراندا محکمه و گوونلیک ایشچیلری نؤوبه ایله سرت و آلچالدیجی جزالارلا قولدورلارا قارشی موباریزه آدلی پلانلارینی حیاتا کئچیریرلر.
۱۳۸۶–جی ایلده قولدورلار آدلی ایله “سوسیال گوونلیک پلانی” چرچیوه‌سینده حبس اولونان بیر سیرا اینسان پیس یئر اولاراق تانینان کهریزک ایستینطاق تجرید‌خاناسیندا قئیری-اینسانی شرایطده ساخلاندیلار و بعضیلری ایسه سرعتلی و وکیله ال‌چاتماز محکمه‌‌لرده اعدام ائدیلدیلر.
آنجاق بو گونه قدر بیر سیرا ایسلام جمهویییتی‌نین مقاملاری آچیق شکیلده قولدورلارین بسیجه قوشولماسی و خالقین اعتراض آکسییالارینا قارشی ایشتیراک ائتمه‌سیندن دانیشدیلار.
سوریه ساواشیندا اؤلدورولن اینقیلاب کئشیکچیلری‌نین کوماندیرلریندن “حسین همدانی”، ۱۳۹۴-جو ایلین مهرینده، ۸۸ اعتراضلاری زامانی ۵ مین قولدورون تثبیت ائدیلدیگینی و نظارت آلتینا آلیندیغینی، سونرا دا خالق اعتراضلارینا قارشی “گردان عضوو” اولدوقلارینی سؤیله‌دی.
iranwire
