باتی آذربایجاندا ایشسیزلیک نیسبتی آرتدی
باتی آذربایجان امک و سوسیال ریفاه باش ایداره‌سی‌نین چالیشما و گیریشیمجیلیک مودیری دئدی: ایالتده کئچن ایل ایشسیزلیک نیسبتی یوزده ۱۳.۳ اولاراق اعلان ائدیلدی.
ایسنایا وئردیگی موصاحیبه‌ده فرخی آرتیردی: تشکیلاتا گؤره، ایالتده ایشسیزلیک نیسبتی یوزده ۱۳.۳ ایدی، بو دا یوزده ۱۱.۲ اولان کئچن ایلین عینی دؤورونه نیسبتاً بیر آرتیم گؤستریر.
فرخی، ایشسیزلیک سويه‌‌سینده‌کی آرتیمین کرونا و تحریملر ایله علاقه‌‌‌لی اولدوغونو وورغولایاراق دئدی: ایشسیزلیک کئچن یاز یوزده ۱۲.۱، یایدا یوزده ۱۰.۹، پاییزدا یوزده ۱۵.۵، قیشدا یوزده ۱۴.۷ ایدی.
او سون بیلگیلره گؤره، ان یوکسک ایشسیزلیک نیسبتینی یوزده ۱۳.۱۷ ایله تکاب، ایالتده ان آشاغی ایشسیزلیک نیسبتینی یوزده۸.۶۹ ایله ماکو اولاراق اعلان ائتدی.
باتی آذربایجان امک و سوسیال ریفاه باش ایداره‌سی‌نین چالیشما و گیریشیمجیلیک مودیری اورمیه‌ده‌کی ایشسیزلیک نیسبتی یوزده ۱۱.۶ اولاراق اعلان ائتدی.
فرخی دئدی: سون ایستاتیستیکایا گؤره، ایالتده بیر میلیون چالیشان و ۱۲۶ مین ایشسیز وار.
او ایالتده ان یوکسک چالیشما نیسبتینی یوزده ۴۳.۱ ایله خیدمت سئکتوروندا اولدوغونا دقت چکدی و دئدی: تأسف کی، کرونا، تحریملر، اقتصادی پروبلئملر و کرونا محدودیتلری خیدمت سئکتورونا ان چوخ تأثیر ائتدی و بو، ایالتده ایشسیزلیک سويه‌‌سی‌نین یوکسلمه‌سی‌نین اساس سببیدیر.
iranwire
