ایران کامیونتلری‌نین افقانیستاندان گئری دؤنمه‌سی انگلله‌نیر
معلوماتلار، افقانیستاندا بعضیلری‌نین «زرنج» بؤلگه‌سینده‌کی ایران کامیونتلری‌نین گئری دؤنمه‌سی‌نین قارشیسینی آلدیغی بیلدیریلیر.
ایران گؤمرویونون سؤزچوسو «روح‌الله لطیفی»، بو حرکتین سیستان و بلوچیستان والیسی‌نین، مازوت قاچاق داشییان ماشینلارین اوچ آی مدتینه دایاندیریلماسی باره‌ده قراریندان سونرا باش وئردیگینی سؤیله‌دی.
لطیفی علاوه ائدیب «افقانیستانداکی مازوت قاچاق‌مالچیلیغیندان فایدالانلارین بعضیلری سون 10 گونده ایران کامیونتلری‌نین افقانیستانین «زرنج» بؤلگه‌سیندن گئری دؤنمه‌سینی انگلله‌دیلر.»
اونون سؤزلرینه گؤره، بو مسئله سرحدن ایخراج و ایدخال پروسسینی یاواشلادیر.
بو مقام علاوه ائدیب، «گؤرونن او کی، بعضی سوروجولره اولان یئرسیز داورانیشلار سرحدین او بیری طرفینده بو تبکیلره سبب اولوبدور.»
ایرنانین معلوماتینا گؤره؛ «مازوت قاچاق‌مالچیلاری، ایالت والیلیگی‌نین اوچ آی مدتینه قاچاق مازوت داشییان کامیونتلرین دایاندیریلماسی قراریندان چکیلمه‌سینی ایسته‌ییرلر.»
