ایران و چین آراسیندا ۲۵ ایللیک ایشبیرلیگی سندی ایمضالاندی
“ایران و چین ایشبیرلیگینه دایر هرطرفلی سند” ایکی اؤلکه‌نین خاریجی ایشلر ناظرلری محمدجواد ظریف و وانگ یی طرفیندن ایمضالاندی. بو سند ایران و چینین خاریجی ایشلر ناظرلری طرفیندن ۱۴۰۰-جو ایل ۷ فروردین شنبه گونو گونورتادان سونرا ایمضالانیب. ایکی اؤلکه‌نین مقاملاری سندی “ایکی اؤلکه آراسینداکی موناسیبتلری گئنیشلندیرمک و درین‌لشدیرمک اوچون نفت صنایع‌سی ساحه‌‌‌سینده سند” آدلاندیریرلار.
بو سندین اؤن لاییحه نوسخه‌سی محمدجواد ظریف طرفیندن ۱۳۹۸-جی ایلین شهریورینده چین حؤکومتینه تحویل وئریلدی. ۱۳۹۹-جو ایلین باهاریندا چین حؤکومتی‌نین تکلیف اولونان لاییحه ایله باغلی آچیقلانماسیندان و ایران طرفی‌نین یئرلی قوروملاردا نظردن کئچیریلمه‌سیندن سونرا، حسن روحانی حؤکومتی ۳ تیر ۱۳۹۹-دا خاریجی ایشلر ناظرلیگینه اوزون‌موددتلی قارشیلیقلی ماراقلارا اساسلانان هرطرفلی ایشبیرلیگی پلانینی رسمی اولاراق دانیشیقلارا باشلاماغا و ایمضالامایا ایجازه وئردی.
سندین حاضرلانماسی‌نین یاییلماسی، مئدیالارین گئنیش تپکیسی ایله سیاسی فعاللار و سوسیال مئدیا قوللانیجیلاری ایسلام جمهوریییتی و چین آراسینداکی ایشبیرلیگی حاقیندا هرطرفلی سندی تورکمنچای کیمی آنلاشماسی ایله موقایسه ائتدیلر.
بو سندده ائدیلن دوزه‌لیشلردن سونرا، ۱۳۹۹-جو ایل اسفند آیینین اورتالاریندا چین طرفی ایسلام جمهوریییتی خاریجی ایشلر ناظرلیگینه فیکیرلرینی بیلدیردی و نهایت بو سند ایران و چینین خواریجی ایشلر ناظرلری طرفیندن شنبه گونو ۷ فروردین ۱۴۰۰-ده ایمضالاندی.
ایران ایله چین آراسیندا ۲۵ ایللیک ایشبیرلیگی سندی‌نین ایران ایسلام جمهوریییتی‌نین خاریجی بیر اؤلکه‌یه وئردیگی ایمکانلار و امتیازلار باخیمیندان میثیلسیز اولدوغو دئییلیر. بو ایشبیرلیگی باره‌ده آنلاشما ۱۳۹۴-جو ایلین بهمنینده چین خالق جمهوریییتی‌نین جمهورباشقانی شی جین پینگ و ایسلام جمهوریییتی‌نین لیدری علی خامنه‌ای آراسینداکی گؤروش زامانی وورغولاندی.
ایسلام جمهوریییتی آنایاساسینا گؤره، ایسلامی شورا مجلیسی ایرانین سنده قوشولماسینا قرار وئرمه‌لی اولدوغو حالدا، علی خامنه‌ای اونو بئش ایل اؤنجه “دوزگون و عاغیللی” آدلاندیردی، یعنی مجلیسین اونو اونایلاماقدان باشقا چاره‌سی قالمایاجاق.
iranwire
