اوین محکمه‌‌سینده ۴ تورک مدنی فعالین دیندیریلمه اوتورومو کئچیریلیب
تورک مدنی فعاللار فعاللاری ودود اسدی، سعید جمالزاده، سالار طاهرافشار و بهنام باباش‌پورون دیندیریلمه اوتورومو ۱ اردیبهشت ۱۴۰۲، شنبه گونو تهرانین شهید مقدس (گوونلیک شؤبه‌سی) آدلی اینقیلاب ساوجیلیغی‌نین ۵-جی ایستینطاق شؤبه‌سینده کئچیریلیب.
اورمیه، تبریز، اردبیل و رشت شهرلریندن اولان بو مدنی فعالار ایران محکمه‌‌سی‌نین (ثنا) الکترون سیستمی واسطه‌‌‌سیله آلدیقلاری بیلدیریشه اساسا توپلاشماق و داخیلی گوونلیگه قارشی ال بیر اولماق اتهامینی ساوونماق اوچون بو محکمه‌ده اولوبلار.
قئید ائدک کی، اردبیل شهرینده باشقا فعاللارلا عینی واختدا حبس ائدیلن بهنام باباش‌پور اردبیل شهرینده بیر گونلوک حبسدن سونرا ۲۰۰ میلیون تومنلیک گیروو ایله سربست بوراخیلمیشدی و سعید جمالزاده ایسه ۱۳ اسفند ۱۴۰۳-ده ۱ میلیارد تومنلیک گیروو قارشیلیغیندا اوین حبس‌خاناسیندان آزاد ائدیلمیشدیر.
رشت‌ده یاشایان تورک مدنی فعال فعالی ودود اسدی ۱۶ بهمن ۱۴۰۲-ده گوونلیک گوجلری طرفینن دؤیوله‌رک و هئچ بیر ساخلانما قراری اولمادان توتولموشدو.
سالار طاهر افشار ایسه ۱۷ بهمن ۱۴۰۲-ده اورمیه‌ده گوونلیک گوجلری طرفیندن حبس ائدیلمیش و ۹ اسفند ۱۴۰۲چارشنبه گونو ۸۰۰ میلیون تومنلیک گیروو قارشیلیغیندا اوین ایستینطاق تجرید‌خاناسی‌نین ۲۰۹-جو بندیندن محکمه‌یه قدر مووقتی اولاراق سربست بوراخیلمیشدی.
