اورمیه‌ده بیر سوروجو حجابلا باغلی ایکی قادینا خبردارلیق ائتدیکدن سونرا اونلاری اتومبیل ایله ووروب
اورمیه شهری‌نین یئرلی مطبوعاتی بو شهرین کاشانی کوچه‌سینده بیر پرشیا اتومبیلین سوروجوسونون ایکی گنج قادینا حجاب تاخمالاری باره‌ده خبردارلیق ائتدیکدن سونرا اونلاری ماشین ایله ووردوغونو بیلدیردی.
بو اتومبیلین صاحبلری دونن، ۱۷ مرداد ۱۴۰۰-جو ایلده اورمیه‌نین کاشانی کوچه‌سینده ایکی گنج قادینا “حجاب خبردارلیغی” وئردیکدن سونرا ایکی قادین الامر بالمعروفا محل قویمادیقلاری اوچون اونلاری اتومبیل ایله ووروبلار.
بو سوروجونون ووردوغو ایکی گنج قادیندان بیری آغیر یارالاندیغی و اورمییا تجیلی یاردیم قوّه‌لری طرفیندن خسته‌خانایا آپاریلدیغی دئییلیر.
اورمیه یئرلی مطبوعاتی‌نین دئدیگینه گؤره حادثه یئرینده ان آز بیر موتورسیکلت و ایکی واسطه ده خسارت گؤروب و اتومبیل حادثه یئریندن قاچیب.
رکنانین یازدیغینا گؤره بو سوروجو بیر نئچه ساعت سونرا توتولوب.
وطنداشلارلا شخصی گئییملی قوه‌لر و ایرشاد گشتی آراسیندا دینی وظیفه آدی آلتیندا “الأمر بالمعروف والنهي عن المنكر” بهانه‌سی ایله “حجابسیز” اولاراق تعیین ائتدیکلری اینسانلارلا شدتلی قارشیدورمالار پیس حادثه‌‌‌لره سبب اولدو.
قادینلارین گئییندیکلری گئییم نؤعنه گؤره تهدید ائدیلدیکلری، سؤزله تحقیر ائدیلدیکلری و دؤیولدوکلری باره‌ده یاییملانان ویدئولار تئز تئز سوسیال مئدیا قوللانیجیلارینین حاکیمیتدن تنقیدینه نه‌دن اولور.
iranwire
