اورمیه حبس‌خاناسیندا خورمانین ائشیت‌سیز پایلانماسی بیر اؤلو و ۱۶ یارالی وئردی
هرانا خبر آژانسی‌نین وئردیگی بیلگیلره گؤره، اورمیه حبس‌خاناسی یئتکیلیلری طرفیندن ارزاقین دوزگون پایلانماماسی محکوملار آراسیندا چاتیشمایا سبب اولدو و سونوجدا ۱ نفر اؤلدو و ۱۶ نفر یارالاندی.
هرانایا گؤره، حبس‌خانا یئتکیلیلری طرفیندن خورمانین ائشیت‌سیز پایلانماسی سببیندن بیر چوخ محکوم خورما آلمادی و بو دا محکوملار آراسیندا فیزیکی قارشیدورمالارا سبب اولدو. اؤلدورولن محبوسون کیملیگی “کریم بابایی”اولاراق بیلدیریلیب.
ارزاقین کیفيتی و میقداری هرزامان اورمیه حبس‌خاناسینداکی محبوسلارین اساس پروبلئملریندن بیری اولموشدور. اؤزللیکله، بو پروبلئم سون ایللرده پیس اقتصادی دوروم و محکوم عائله‌‌‌لری‌نین محبوس عضولرینی دستک‌له‌مک اوچون مادی ایمکانلاری‌نین اولماماسی سببیندن داها دا آرتمیشدیر.
iranwire
