انانیموس هکر قروپونون سالیریسی؛ ایران حؤکومتی‌نین سایتی ال چاتماز اولدو
انانیموس هکر قروپو ایران ایسلام جمهورییتی‌نین اساس اینترنِت سایتینی سیندیردیغینی و بو اینترنِت سایتینداکی بوتون بیلگیلری سیلدیگینی آچیقلاییب.
بو آچیقلامادا دئییلیر: مهسا امینی ارشاد دئوریه‌سی آدلانان قروپ طرفیندن اؤلدورولن ایرانین قاتیل حؤکومتی‌نین سونونجو قوربانیدیر.
بو هکر قروپو توییترده یازیب کی، ایرانین ان بؤیوک مئدیاسینی سیندیریبلار.
حاضردا «Dolat.ir» و «portal.iran.gov.ir» سایتلاری مؤوجود دئییل.
بو هکر قروپو ایران خالقینا خطابا دئییب: بیز بورادا سیزینلییک. ایرانا قارشی عملیات باشلادی. بیزی گؤزله‌یین.
بوندان اؤنجه بو قروپ جمهورباشقانی ابراهیم رئیسی و ایران حؤکومتینه موراجعت ائده‌رک، بو اؤلکه‌ده ایللردیر داوام ائدن قادینلارا قارشی قدارلیغی پیسله‌ین ویدئو یاییملامیشدی.
#ایران_خبرلری #انانیموس #قادینلار
