الکتریک اولمادیغی اوچون تبریزین تراکتور فابریکی باغلانیب
تبریزین تراکتور قروپونون الکتریکی‌نین اولماماسی و داوام ائدن انرژی بالانسسیزلیغی سببیندن چارشنبه آخشامی، ۶ شهریوردن بری باغلانیب.
تراکتورسازی قروپونون بیر سیرا مودیرلری بو خبری تایید ائدیب و بو باغلانمانین سببینی انرژی بالانسسیزلیغی‌نین داوام ائتمه‌سینی و الکتریکلرین تئز-تئز کسیلمه‌سی بیان ائدیبلر.
بو خبره گؤره، الکتریکلرین تئز-تئز کسیلمه‌سی سببیندن اورتیم سیستملری‌نین داها چوخ زده‌لنمه‌سی‌نین قارشیسینی آلماق اوچون بو شرکتین یوکسک سويه‌‌لی مودیرلری‌نین راضیلاشماسی ایله تبریزین تراکتور فابریکی باغلانیب.
تبریز تراکتور قروپونون الکتریک اولماماسی سببیندن باغلانماسی پولاد صنایع‌سی‌نین گئنیش شکیلده باغلانماسی‌نین و دوغو آذربایجانین صنایع شهرلرینده یئرلشن صنایع‌‌لری‌نین باغلانماسینی داوامیندا گتیره‌جک.
بو راپورا گؤره، انرژی بالانسسیزلیغی‌نین داوام ائتمه‌سی ایالتین اورتیم صنایع‌لرینه آغیر ایتکیلره سبب اولوب.
الکتریک استاسیونلارینداکی گلیشمه‌لرین داواملی گئجیکمه‌لر و کؤهنلمیش شبکه‌ده الکتریکلرین گئنیش شکیلده ایصراف ائدیلمه‌سی سببیندن ایران ایلین ایستی مؤوسوملرینده ۱۴ مین مگاوات الکتریک انرژیسی کسیری ایله اوزلشیر و اؤلکه‌نین الکتریک انرژیسی کسیری هر ایل آرتیر.
