اردبیلده ۴۰۴ صنایع بؤلمه‌سی دوراغان وضعيتده‌دیر
اردبیل ایالتینده ۱۶۹۱ آکتیو، یاری آکتیو و دوراغان صنایع بؤلمه‌سی معین ائدیلمیشدیر کی، اونلاردان ۴۰۴ بؤلمه دوراغاندیر.
اردبیل والیسی‌نین اقتصادی ایشلر اوزره معاونی ارژنگ عزیزی، بو رقملری آچیقلایاراق دئدی «ایالتده‌کی صنایع بؤلمه‌لری‌نین پروبلئملری‌نین اکثريتی، سرمایه دولاشیمیدیر.»
اردبیل والیسی اکبر بهنامجو دا «ایالتین اورتیم بؤلمه‌لری‌نین ان بؤیوک پروبلئملری بانک پروبلئمیدیر» دئدی.
بهنامجو، «اردبیل ایالتینده‌کی دوراغان و یاری آکتیو اورتیم بؤلمه‌لری‌نین دیگر پروبلئملری سیغورتا، وئرگیلر، و ایخراج بازاری‌نین اولماماسیدیر.» دئدی.
اردبیل ایالتی‌نین صنایع، معدن و تیجارت رئیسی رامین صادقی، «۱۹۹ دوراغان اورتیم و صنایع بؤلمه‌سیندن برپا ائدیله بیله‌جک ۲۴ بؤلمه‌نین بلیرلندیگینی» آچیقلادی.
سون ایللرده آمریکا تحریملری‌نین شدتلنمه‌سی ایله اردبیل ایالتینده‌کی صنایع و اورتیم بؤلمه‌لری‌نین صاحبلری اوچون بیر چوخ پروبلئم یاشاندی و نتیجه‌ده بیر چوخ کارخانه‌نین باغلانماسینا و یا یاری باغلانماسینا سبب اولدو.
نقدینگی‌نین اولماماسی، ایخراجات یولونداکی مانع‌لر، خاریجی پوللارین کؤچورولمه‌سینده‌کی پروبلئملر، خام‌مال قیمتلری‌نین آرتماسی و اؤزل و حتی دؤولت سئکتورونو اورتیمینی دایاندیرماغا و یا فعالیتینی آزالتماغا مجبور ائدن دیگر مانع‌لردیر.
