اردبیل ایالتی‌نین یوزده۸۰ قوراقلیقدان ائتکیله‌نیب
اردبیل ایالتی‌نین ها وا بیلیمی ایداره‌سی‌نین باش مودیری دئدی: حال-حاضردا اردبیل ایالتی‌نین موختلیف اراضیلریندن یوزده ۸۰ اورتا و شدتلی قوراقلیقدان ائتکیلنمیشتیر.
محمدی جاری ایلده یاغیش میقدارینی ۲۳۰ میلیمتر اولاراق آچیقلادی و دئدی: اوزون مدتلی و کئچن ایله نیسبتاً بو یاغیش میقداری یوزده ۲۴ آزالما گؤستریر.
اردبیل ایالتی‌نین هاوا بیلیمی ایداره‌سی‌نین باش مودیری اؤلکه‌ده بو آزالمانی اورتالاما یوزده ۴۲ اعلان ائتدی و آرتیردی: یایدا اردبیل ایالتینده نورمال یاغیش گؤزلمیریک.
کئچن هفته اردبیل بؤلگه سو شرکتی‌نین باش مودیری، حال حاضردا یامچی بندی‌نین سو توتومونون یوزده ۳۰ نیسبتینه صاحب اولدوغونو و بندین توتومونون یوزده ۷۰ بوش اولدوغونو بیلدیردی.
مهر ایله موصاحیبه‌سینده عباس جنگی مرنی، آغیر قوراقلیق شرایطینه و سو منبعیی چاتیشمازلیغینا توخوناراق دئمیشدی: اورتادوغودا، اؤلکمیزده و اردبیل ایالتینده سون ۵۰ ایلده باش وئرن قوراقلیق میثیلسیزدیر.
او چیخیشی‌نین باشقا بیر حیصه‌‌‌سینده دئدی: ۱۶ کندده اردبیل دوزونده ۵ مین هکتار اراضینی سوواران یامچی بندی، بو ایل بیر دفعه ده اولسا اکین یئرلرینه سو چاتدیرا بیلمیر، بئله کی، اردیبهشت آییندا اردبیل دوزونده اکینچیلره یالنیز بیر دفعه سو چاتدیردیق.
iranwire
