ابراهيم رئیسی جینسی آزلیقلارا قارشی نیفرت دولو چیخیشی
رئیسی جینسی آزلیقلارا قارشی نیفرتین یاییلماسی‌نین بارز نومونه‌سی اولان آچیقلامالاریندا جینسی آزلیقلارا ان چرکین اخلاق، موعاصیر جهالت، آشاغی و آلچاق اخلاق گؤستریجیسی کیمی ایفاده‌لرله خطاب ائدیب. او، بو وطنداشلارین جینسی کیملیگینه ایستیناد ائتمک اوچون تحقیرآمیز “ائش‌جینسللر” ایفاده‌سینی ده ایشله‌دیب.
ایسلام جمهورییتی یاراندیغی گوندن عینی‌جینسلی موناسیبتلری جینایت حساب ائده‌رک بو علاقه‌‌‌لری قاداغان ائدیب و سیستملی رئکلام واسطه‌‌‌سیله توپلومدا کوئیر قارشیتلیغینی آرتیریب.
ابراهیم رئیسی‌نین بو سؤزلری ایسلام جمهورییتی‌نین لیدری علی خامنه‌ای‌نین ده اؤنجه‌لر بونونلا باغلی آچیقلامالار وئردیگی حالدا باش وئریر.
خامنه‌ای قوربان بایرامی موناسیبتیله ۱۵ مرداددا ائتدیگی چیخیشیندا دئییب: اینسانلار آراسیندا جینسی آزغینلیق، جینسی آنارشی، اخلاقی کوبودلوق و حیات قورولوشونون پارچالانماسی پئیغمبر دؤورونون جهالتی‌نین بیر حیصّه‌‌‌سی ایدی. او دؤورلرده مکه و عربیستان یاریماداسیندا یاییلمیش و پئیغمبرین اونلارلا مشغول اولدوغو بیر چوخ اخلاقی پیسلیکلر بو گون باتی‌نین متمدن آدلانان دونیادا موتشکّیل فورمادا و داها گوجلو و گئنیش شکیلده مؤوجوددور.
#ایران_خبرلری #جینسی_آزلیقلار
