ائیتیم ناظری‌نین معاونی: اؤلکه اوخوللاریندا ۷۰ مین موعلیم چاتیشمازلیغی وار
ائیتیم ناظرلیگی‌نین معاونی “محمد حسین پورثانی” دئییر کی، یئنی ائیتیم ایلینده اؤلکه اوخوللاریندا موعلیم کیمی ۷۰ مین پئداقوق و موشاویره چاتیشمازلیغی وار.
ایرنانین وئردیگی بیلگیلره گؤره، او، بو ایل ۱۵ مین پئداقوق و موشاویرین یئنی موعلیم کیمی ایشه گؤتوروله‌جه‌یینی بیلدیریب.
پورثانی‌نین سؤزلرینه گؤره، ائیتیم ساحه‌‌‌سینده کادر چاتیشمازلیغینی آزالتماق اوچون گله‌جک دؤرد ایلده ائیتیم ساحه‌‌‌سینده ۴۴ مین نفرین ایشه گؤتوروله‌جیی اؤن‌گورولور.
او، قئید ائتدی کی، اوخوللاردا ان جدی پروبلئملردن بیری ائیتیم مسئله‌‌سی پروقرامی و ائیتیم و اؤیرتیم آراسینداکی باغلانتیدیر.
پورثانی آرتیردی: “اوخوللاردا ائیتیم ساحه‌‌‌سی‌نین قورومساللاشدیریلماسی اوچون ائیتیمین اساس متنینده ائیتیم مسئله‌‌لری یئر آلمالیدیر و ائیتیم اؤیرتیم آراسینداکی بو باغلانتی اوخوللاردا بو موعلیم چاتیشمازلیغی‌نین حلّی اولا بیلر”.
۱۴۰۳-جو ایل مهر آییندا رسمی قایناقلارا گؤره ائیتیم ناظرلیگینده تخمیناً ۱۷۶ مین موعلیم چاتیشمازلیغی اولدوغو داها اؤنجه آچیقلانمیشدی.
موعلیمسیز درس صینیفلری و اساس بیلیک و باجاریقلاری اولمایان موعلیملر (قبول ایمتاهانی آدی آلتیندا، ۲۸-جی ماده، تحصیل خیدمتلری‌نین ساتین آلینماسی، مدتلی آنلاشما، موعلیم عسکر و …) سون ایللرده دؤولت مکتبلری‌نین پروبلئملریندن و کئیفيتی‌نین آشاغی دوشمه‌سی‌نین سببلریندن بیری اولوب.
Iranwire
