اؤیرنجیلرین زهرلنمه‌سینه اعتراض ائدنلردن بیری اولان پژمان معین اردبیل حبس‌خاناسیندان سربست بوراخیلیب ۱۸ اسفند ۱۴۰۱
ایران‌وایرین الده اُتدیگی بیلگیلره گؤره، اردبیلده یاشایان تورک مدنی فعال پژمان معین محکمه سورجی‌نین سونونا قدر ۵۰ میلیون تومن گیروو قارشیلیغیندا اردبیل حبس‌خاناسیندان سربست بوراخیلیب.
پرونده‌نین آیرینتیلاری و بو فعالین اتهامی ایله باغلی آیرینتیلی بیلگی یوخدور.
پژمان معین ۱۳ اسفند ۱۴۰۱-جی ایل شنبه گونو زهرلنمیش اؤیرنجیلرین عائله‌‌‌لری‌نین اعتراض آکسییاسی زامانی گوونلیک گوجلری طرفیندن حبس ائدیلیب.
اؤیرنجیلرین زهرلنمه‌سی سیلسیله‌سی ۹ آذر ۱۴۰۱-جی ایل چارشنبه گونو قوم شهرینده باشلاییب و عینی گون نور آکادمیاسی‌نین ۱۸ اؤیرنجی‌سی‌نین زهرلنمه‌سیندن سونرا ایرانین باشقا شهرلریندن، او جومله‌‌‌دن تبریز، اورمیه، اردبیل، تهران و … زهرلنمه خبرلری یاییملانیب.
