آذربایجان دموکرات پارتیسینین بیانامه سی (۱) : تبریزده قادینلارین ییقیشمالاریندان و اورمو گؤلونون احیا سی ایچون چاقیریشلاری حمایت ادیریک
اییرمی ایلدن آرتیقدیر کی، آذربایجان چئوره آکتیویستلری، مدنی و کولتورل آکتیویستلری، ایدمانچی لاری، قادینلاری و … اورمو گؤلونون قوروماسینین فلاکتی باره‌ده ایران دا و دیگر اولکه‌لرده توپلانتی‌لار و علمی_بیلیمسل سمینارلار شکلینده اویاریلار وئریرلر. بو دفعه‌ده آذربایجان تاریخینین دیگر دؤنملرینده اولدوغو کیمی، آذربایجانین ان کریتیک_بحرانی آنلاریندا زینب پاشا، معصومه ستاری و … کیمی، قادینلار ائتکیله‌ییجی حرکتلرله صحنه‌ده اولوبلار و ایندی‌ده وارلار.
۲۱ و ۲۳ مرداد آییندا، آذربایجان‌داکی جسور و غئیرتلی قادینلارین بیر قیسمی اؤز دیللرینده (تورکجه) شعارلارلا تبریز استانداری بیناسی قارشیسیندا اعتراض یوروشو و میتینگی کئچیردیب، حتی بینانین ایچینه گیررک، اورمو گؤلونون جانلانماسی حاقدا اولان عاجیل ایستک لرینی سسلی اولاراق اوخویوبلار. آردیجیل ایکی گون دوام ائدن بو میتینگلردن سونرا آذربایجانین اؤنده گلن اوچ قادین شاعیر و یازیچی‌سی نیگار خیاوی، رقیه کبیری و فاطمه داداش‌زاده اطلاعات اداره سی‌نه چاغیراراق سورقولانیب و تهدید ائدیلدیلر. آلینان خبره گؤره، ائولری دیدیک دیدیک آختاریلیب، اشیالاری و اؤزل یازیلاری اطلاعاتا گؤتورولدو. دیگر یاندان، اردبیل‌ده بیر سیرا چئوره آکتیویستلر اورمو گؤلون جانلانماسی اوچون گرکن تدبیرلرین آلینماماسینا اعتراض میتینگی مجوزی آلیبلار.
آذربایجان دموکرات پارتی سی بو میتینگ‌لری حمایت ادیر و اشتراکچی‌لارین چوخ ضروری ایستک لرینی دستکله‌دیینی بیان ائدیر. آذربایجان دموکرات پارتی سی تبریز شهرینده اوچ قادین دا داخیل، اشتراکچی‌لارا قارشی هرهانسی چاغریی، توتوقلامایی و تهدیدی قیناییب، آذربایجانین جواهری اولان اورمو گؤلونون جانلانماسی اوچون کئچیریلن میتینگ لرده دولت وریندن هرجور امنیتی تدبیرلرینه سون قویماسینی ایسته ییر.
اورمو گؤلونون قورخونج و اؤلوم حالیندا اولان دورومو ساده جه آذربایجانین بؤلگه‌سل سورون و پرابلئمی دئییل.
اؤلکه نین هریئریندن وطنداشلار!
اورمو گؤلونو اؤلومجول دوز بمباسینا چئوریلمک‌دن قورتارماق اوچون آیاغا قالخین!
گلین هامی‌میز شهریور آیین ۵ده اردبیلین شریعتی میدانین دا آذربایجان وطنداشلاری ایله بیرسس اولاراق بیرلیکده بیر یئرده اولاق!
آذربایجان دموکرات پارتی سی
۱۸ آگوست ۲۰۲۳
