Xamenei Amerika və İngilis peyvəndlərinin idxalını qadağan etdi

İslam Respublikasının lideri Əli Xamenei bir televiziya çıxışında ABŞ və İngilis peyvəndlərinin ölkəyə girişinin qadağan olunduğunu söylədi.

8 Yanvarda İran televiziyasında yayımlanan bir çıxışında Xamenei Amerika peyvəndi haqqında bunları söylədi: “Bir peyvənd əldə edə bilsəydilər və Pfizer fabriki bir peyvənd istehsal edə bilsəydi, əvvəlcə özləri üçün istehlak etməlidirlər ki, 24 saat ərzində 4 min nəfər həyatını itirməsin.”

İslam Respublikasının Ali lideri peyvəndlərin qadağan edilməsi ilə bağlı davam etdi: Eyni şey İngiltərə üçün də keçərlidir. Əlbəttə, çirklənmiş qan tarixi olan Fransanın işinə də çox güvənmirəm.”

Əli Xameneinin ABŞ və İngiltərədən peyvənd idxalına qarşı söylədiyi fikirlər İran vətəndaşlarının əvvəllər nüfuzlu şirkətlərdən peyvənd idxalını tələb etmək üçün kiber məkanda #peyvənd_alın həştəgindən istifadə etdikləri bir vaxta təsadüf edir.

Xamenei, İranda korona peyvəndi edilməsi üçün edilən testləri də təriflədi: “Korona üçün hazırlanan peyvənd ölkə üçün baş ucalıq və qürur mənbəyidir. Bunu inkar etməyə çalışmasınlar.”

Əli Xameneinin bu açıqlamalarından bir neçə saat sonra İran Qızıl Aypara Cəmiyyətinin sözçüsü, ABŞ-dan 150 min doza Pfizer peyvəndinin İslam Respublikasının Ali Liderinin açıqlamaları səbəbiylə ləğv edildiyini söylədi.

Bu günə qədər Dünya Səhiyyə Təşkilatı tərəfindən təsdiqlənmiş yeganə peyvənd, Amerikanın Pfizer şirkəti tərəfindən Alman şirkəti ilə birlikdə istehsal olunan peyvəndidir.